index introductio imagines || partitura exemplar translatio

bibliographia e-mail

CTH 398

Exemplar --

Citatio: D. Bawanypeck (ed.), hethiter.net/: CTH 398 (Expl. --, 24.03.2016)

§ 1

1 -- [UMMA mḪ]ūwarlū LÚMUŠEN.DÙ

2 -- mān [ḫatugaēš wat]taiēš1

3 -- kuiēš MUŠENḪI.A ḫū[manduš] ... [ …]...

4 -- kuit kuit uškanzi

5 -- [n=at ŠA] IMḪI.A ienzi

6 -- [nu ŠA T]I8?MUŠEN partāunit anda šakuīškanzi

7 -- [n=u]š=šan DUGDÍLIM.GAL Ì tianzi

8 -- šerr=a=an DUGDÍLIM.GAL Ì [ištapp]anzi

§ 2

9 -- [ANŠE-a]nn2=a appuzziyaš iyanzi

10 -- n=an=kan ANA DUGDÍLIM.GAL Ì [katt]a tianzi

11 -- šerr=a=šši=ššan DUGDÍLIM.GAL Ì ištappanzi

12 -- nu ZÍZ-tar ŠE zēnantaš ŠE ḫaššarnanza šepit karš parḫuenaš ewan GÚ.TUR GÚ.GAL GÚ.GAL.GAL

13 -- nu=kan kī NUMUNḪI.A ḫūmanda ŠE.LÚSAR=ya IŠTU DUGDÍLIM.GAL šanḫunzi

14 -- nu=kan IZI šer wetenit kištanuanzi

§ 3

15 -- nu LÚMUŠEN.DÙ MUNUSŠU.GI=ya kiššan memiyanzi

16 -- kāša=wa=nnaš pīēr DINGIRMEŠ nepišaz LÚMEŠ GIŠGIDRU

17 -- itten=wa=kan

18 -- IŠTU É.GAL-LIM kallar INIM-tar parā šūwatten

19 -- nu=wa ītten

20 -- ḫatugauš MUŠENḪI.A kištanutten

21 -- nu=kan kē NUMUN[ḪI.]A maḫḫan kištari

22 -- kallara=ya=kan uddār ḫatugauš=a MUŠENḪI.A QĀTAMMA kištaru

§ 4

23 -- nu 12 NINDA.GUR4.RA ḫūriyaš 12 NINDApurpuruš DÙ-anzi

24 -- n=aš=kan MUNUSŠU.GI GIpaddani katta išḫūwai

25 -- n=aš ANA LUGAL MUNUS.LUGAL GIŠ.NÁ-aš katta išpantaz tianzi

§ 5

26 -- [nu U]R.TUR.RA appuzziyaš ienzi

27 -- n=an=šan ŠA É-TIM GIŠḫatalwaš GIŠ-rui tianzi

28 -- nu kiššan memai

29 -- zik=wa=z ŠA LUGAL MUNUS.LUGAL GIŠBANŠUR-aš UR.TUR

30 -- nu=wa=kan U4KAM-az maḫḫan damāin antuḫšan parnaš anda UL tarnaši

31 -- kēti=ma=wa=kan GE6-anti kallar uttar anda lē tarnatti

§ 6

32 -- nu=ššan ANA LUGAL MUNUS.LUGAL ŠUḪI.A=ŠU GÌRMEŠ=ŠU ištarna pēti ANA GÚ=ŠU=ya ašaran 2=ŠU ḫamanki

33 -- arḫa=ya=an=kan [2=Š]U tuḫḫušzi

34 -- ANA 4 ḫalḫaltumariyaš=šan ŠA É-TIM [KÁ-š]a GIŠkattaluzzi GIŠḫattalwaš GIŠ-ru<i> katteri šarazzi [SÍG]ašāran kuwapi=ya 2=ŠU ḫamanki4

35 -- arḫa=ya=at=kan [tuḫḫ]ušzi

36 -- n=at=šan katta GIpaddani zikkizzi

§ 7

37 -- [miti]nn=a=kan ANA LUGAL MUNUS.LUGAL ŠUḪI.A=ŠU GÌRMEŠ=ŠU ištarna pedi [ANA G]Ú=ŠU 1=ŠU ḫamanki

38 -- 4 ḫalḫaltumariyaš ŠA É-TIM KÁ-aš GIŠkattaluzzi katteri šarāzzi GIŠḫatalwaš GIŠ-ru<i> 1?=ŠU ḫamanki

39 -- n=an=kan arḫa UL tuḫḫušzi

40 -- GE6-antaz=ma=aš=kan anda=pat šešzi

41 -- UR.TUR=ya=kan TI-anza ŠA É=pat KI.MIN

§ 8

42 -- maḫḫann=a lukkatta

43 -- n=an=kan arḫa tuḫḫušzi

44 -- n=an=kan katta GIpaddani dāi

45 -- nu ḫaššan GIŠkaraššaniyaš dāi

46 -- n=an=kan pūwati

47 -- n=an=kan ištalgaizzi

48 -- n=an pūrpuran 1-EN DÙ-anzi

49 -- n=an=šan ANA LUGAL MUNUS.LUGAL N•Í.TE-aš=šaš ḫūmantaš anda damašzi

50 -- 4 ḫalḫaltumariyaš=šan KÁ-aš GIŠkattaluzzi katteri šarazzi GIŠḫatalwaš GIŠ-ru<i> damašzi

51 -- memiškizzi=ma kiššan

52 -- kāš=wa GIM-an ḫāš GADḪI.A iškunanta parkunuzzi

53 -- nu=war=at ḫarkēšzi

54 -- ŠA LUGAL MUNUS.LUGAL DUMUMEŠ.LUGAL NÍ.TE-aš=šiš ÉḪI.A LUGAL QĀTAMMA parkunuddu

§ 9

55 -- nu maḫḫan zennai

56 -- nu=ššan purpuran šer GIpaddani dāi

57 -- nu wappūwaš IM dāi

58 -- n=an pūrpuran iyanzi

59 -- n=an=kan ANA LUGAL MUNUS.LUGAL ÉḪI.A ḫūmanda KI.MIN

60 -- memiškizzi=ma kiššan

61 -- kuit=wa=kan kuit DINGIRMEŠ INA É-TIM kallar uttar EGIR-an uškanzi

62 -- nu=war=at=za É-TIM DUMU.LÚ.U19.LU=ya UL taraḫzi

63 -- n=at=za kāš wappuwaš IM-aš taraḫḫan ḫarzi

64 -- n=at=za EGIR-pa wappui pēdau

65 -- n=at=za dankuīš KI-aš tarḫudu

§ 10

66 -- nu=ššan ŠA IM pūrpuran katta GIpaddani dāi

67 -- nu išnaš pūrpuran iyanzi

68 -- n=an ANA LUGAL MUNUS.LUGAL ANA É-TIM KI.MIN anda tamaškizzi

§ 11

69 -- memiškizzi=ma kišan

70 -- ḫalkiš=wa maḫḫan NAM.LÚ.U19.LU GU4 UDU ḫuitarr=a ḫūman ḫuišnuškizzi

71 -- LUGAL MUNUS.LUGAL kī=ya É-er kāš ḫalkiš kallarit uddanaz QĀTAMMA ḫuišnuddu

§ 12

72 -- nu maḫḫan zennai

73 -- n=an=šan paddani dāi

§ 13

74 -- nu NUMUNḪI.A kue ḫūman šanḫuta

75 -- NINDA.GUR4.RAḪI.A ḫūrīēš pūrpurēš išnaš NINDA IM padudilēš ašaraš mitiēš GIpaddani=ššan kue kitta

76 -- n=at=kan šer arḫa 3=ŠU waḫnuwanzi

77 -- INA É-TIM=at=kan anda waḫnuzi

78 -- kāša=wa ŠA dIM LÚMEŠ GIŠGIDRU uwanteš

79 -- nu=wa=kan kuit kuit kallar idālu uttar kēdani É-ri anda

80 -- nu=war=at=kan parā šūwandu

81 -- nu=wa=kan idālu uddār parā pēdandu

82 -- nu=wa=z GIŠtūrin kuwannanaš dandu

83 -- nu=wa=kan kallar uttar parā šūwandu

§ 14

84 -- x x x x [ … ]

85 -- [ … ] … ap-pu-zi-ia-aš … DUGDÍLIM.GAL ki[tta?]

86 -- n[=at(?) šar]ā(?) danzi

87 -- šer arḫa=ya=kan kue waḫnuēr

88 -- n=at=kan parā pēdanzi

89 -- n=at=kan ḫīli tianzi

90 -- nu UR.TUR TI-antan danzi

91 -- n=an=kan ANA LUGAL MUNUS.LUGAL šer arḫa waḫnuzi

92 -- ANA É-TI=ya=an=kan anda waḫnuzi

93 -- nu kišan memiškizzi

94 -- ANA LUGAL MUNUS.LUGAL=wa=kan kuit idālu uttar NÍ.TE-ši anda INA É-TI=ya=wa

95 -- nu kāš UR.TUR UZUÚR-za šalliš ŠÀ=ŠU=wa šalli

96 -- namma=war=aš ANŠE-aš karpiyattallaš

97 -- nu=war=at=za taraḫḫan ḫarzi

98 -- nu=wa=kan idālu uttar parā pēdāu

99 -- nu=war=at kuwapi DINGIRMEŠ lamniyan ḫarkanzi

100 -- nu=war=at apiya arnuddu

101 -- nu=kan GIM-an UR.TUR TI-antan parā pēdanzi

102 -- EGIR-anda=ma UR.TUR appuzziyaš šarā danzi

103 -- GIŠḫattalwaš=šan GIŠ-rui kuit kitta

104 -- nu apunn=a šarā danzi

105 -- memai=ma kiššan

§ 15

106 -- GE6-az=wa=kan maḫḫan INA É-TIM kallar uttar anda UL tarnaš

107 -- kinun=a=wa=kan kue kallar idālu uddār LÚMEŠ GIŠGIDRU ŠA DINGIRMEŠ parā pener

108 -- nu=war=at EGIR-pa INA É-TIM lē tarnaši

109 -- nu=wa=šmaš kuwapi DINGIRMEŠ kuedani lamniēr

110 -- nu=wa kē kallar uttar apiya paiddu

§ 16

111 -- nu kī ḫuman MUNUSŠU.GI šarā dāi

112 -- n=at=kan parā pēdāi

113 -- UR.TUR=ma appuzziyaš LÚMUŠEN.DÙ pē ḫarzi

114 -- n=at=kan parā udanzi

115 -- nu <ANA> LÚMUŠEN.DÙ ḫūwanzi

116 -- mān tarwiyalliš tiyazi

117 -- mān=kan EGIR-an šarā aššuaz uizzi

118 -- n=at gimri araḫza pānzi

119 -- nu=kan NUMUNḪI.A kue šānḫūwanta NINDA.GUR4.RAḪI.A NUMUNḪI.A pūrpūriyaš ašaran

120 -- n=at arḫa šuniy[anzi]

121 -- GIpaddani=ma arḫa peššiyanzi

122 -- nu ki[ššan memai]

123 -- kuiēš=wa ḫatugaēš wattaēš

124 -- nu=wa=š[…] ANA ANŠE.KUR.RAḪI.A immiūl ANA UR.GI7ḪI.A=ma wag[eššar] utummen

125 -- nu=war=at=za apiya dandu

126 -- n[u dIMIN.IMIN.BI8] ANA DINGIR-LIM KASKAL-ši arḫa artaru [ X]

§ 17

127 -- nu tekan paddanzi

128 -- [ … ] ŠA IM SAG.DU-an [ … ]

129 -- n=at x x [ … ] x[… ]

130 -- namm[a … ]

131 -- iš[ … ]

132 -- nu [ … ]

§ 18

133 -- nu ki[ššan memai]

134 -- [ … ] iēr

135 -- [ … ] ŠA ÌD [ … ]

136 -- nu=wa=šmaš [ … ]x x-an x x[… ] aniyattenn=a kā

137 -- nu=wa=za x[ … ] tarmanteš ešten

138 -- nu=wa=kan kē-x[ … ]

139 -- IŠTU GI[ŠGAG?ḪI.A? … ] GÌR-an SA[G.DU-an … ]

§ 19

140 -- nu 7 NINDA.GUR4.RA tarnaš GIŠlaḫḫurnuzi [ZAG-az išpari22]

141 -- ḫūpuwai=ya=aš išgari

142 -- n=at i[š?-…]

143 -- DUGKUKUBĒ=ya šūwan

144 -- nu kī-[…]

145 -- GÙB-lazzi=ya 7 NINDA.GUR4.RA tarnaš [GIŠlaḫḫurnuzi] išpari

146 -- 10 GAL.GIR4 IŠTU KAŠ.GEŠTIN šū[wanda]

§ 20

147 -- nu=ššan MÁŠ.GAL GIŠlaḫḫurnu[zi …]

148 -- n=an arḫa kuranzi

149 -- nu PĀ[NI? …] ḫappēš<šar> paḫḫueni šer x[… ]

150 -- n=at ēššanzi

151 -- n=an [ … ] šēr tiyanzi

152 -- GÙB-la[z … ]

§ 21

153 -- UR.TUR=kan ANA LUGAL MUNUS.LUGA[L šer arḫa waḫnuwanzi]

154 -- nu apūn=a arḫa k[uranzi]

155 -- [ … ] ZAG-az ANA NINDA.GUR4.R[A …] tianzi

156 -- na[mma … ] šippanti [X?]

§ 22

157 -- nu kiššan m[emai]

158 -- [ … ] piya[w]en

159 -- kuit [ … ]

160 -- nu=wa=z ning[a … ]

161 -- nu=wa=kan namm[a … ]

162 -- DINGIR-LUM zik

163 -- nu[ … ]

164 -- LUGAL MUNUS.LUGAL MUŠENḪI.A [ … ]

165 -- nu=wa=šši apū[š … ]

§ 23

166 -- nu 3 KÁ.GAL-TIM D[Ù-anzi]

167 -- [ … ]

168 -- nu=ššan mī[ … ]

169 -- 1-NUTIM=ma KÁ.G[AL … ]

170 -- [ … ]

171 -- GIŠḫattalkiššana[š KÁ.GAL … ] ḫūittianza

172 -- paḫ[ḫur warnuwanzi]

173 -- GÙB-laz ZAG-az 2 x[ … ]

§ 24

174 -- UR.TUR.RA appuzzi[yaš … ] kattan tianzi

175 -- nu [kiššan memai]

176 -- [ … ] UR.TUR40

177 -- namma kī i[dālu uttar? _ _ _ _ _ _] lē tarnaši

178 -- nu=wa=x[ … ] šarā wāu iš[ … ]

§ 25

179 -- nu=kan LUGAL MUNUS.LUGAL KÁ.GAL [ištarna arḫa panzi43]

180 -- [ …] kuiēš katti=šši

181 -- n=a[t? … ]

182 -- EGIR-pa=ma=za=kan UL uw[anzi?]

183 -- [ … ]

184 -- MUNUSŠU.GI-ma EGIR-az ḫū[wai]

185 -- [kēz … ]

186 -- kēzzi walḫann[iyanzi?]

187 -- namma MUNUSŠU.GI=ya iya[ … ]

188 -- [ … ] šanḫanzi

189 -- n=aš ma[ḫḫan …] paršiya

190 -- nu=ššan kue[ … ] kuwannan dāi

191 -- namm[a … ]

192 -- ŠA dUTU-aš=wa=za kuiēš [ … ]

§ 26

193 -- nu=wa=mu=kan kāša DINGIRMEŠ [ … ] arawaḫḫir

194 -- nu=wa=mu nam[ma … kallar] INIM-tar DINGIRMEŠ lē tarnaten[i X]

§ 27

195 -- nu mān LUGAL MUNUS.LUGAL ÍD-a[n … ]

196 -- [ … ] arranzi

197 -- nu IGI.DU8.A [ … ] ÍD UL wemiezi

198 -- [ … ]

199 -- nu=za=kan ŠUḪI.A-uš ārri

200 -- [ … ]

201 -- n=ašta mān EGIR-aš ku[ … ] uizzi

202 -- mān GUN-l[i12 … ] uizzi

203 -- nu 3 NINDA.GUR4.RA p[aršiya]

204 -- [ … ] … [ … ] dUTU-i NINDA.GUR4.RA [ … ] x[ … ] -ni 1 NINDA.GUR4.⌈RA⌉ … [ … ]

205 -- n=aš=kan GIŠḪAŠḪUR.KUR.RA dāi

206 -- mān GIŠḪAŠḪUR.KUR.RA [ … ] wemiyazi

207 -- nu GIŠlaḫurnuzi [( …)]

208 -- mān ŠA GIŠ[ … ] GIŠalanzanaš GIŠkaršaniyaš wemiyaz[i]

209 -- nu=ššan GIŠlaḫurnuzi NINDA.GUR4.RA NA4pí-ru-ni [ ␣␣␣]

210 -- nu kiššan memai

211 -- malalēš dUTU-uš ku- … [( … )] kēdani U4KAM-ti iyanun

212 -- nu=wa=az kalla[r … ] awan arḫa tittanunun

213 -- nu=w[a … ] KASKAL-an witatten

214 -- nu=wa kuiēš MUŠENḪI.A SIG5 wewakmi

215 -- nu=war=aš=mu apiya piskatt[en]